Waiata ā-Kura
Ū Ana
Nā Matiu Thoms i tito. He waiata tēnei e kōrero ana mō ngā akomanga o TKKM o Te Whānau Tahi. Arā, he tohu whenua, he tupuna, he whakapapa.
Ū ana mai te waka tipua ki te toka o Rapanui, ki Te Tai o Mahaanui!
Ko Kā Tiritiri o Te Moana te pae mauka
Inā ia Ūkura, Inā ia Te Heru o Kahukura
Ko Tuawera, ko Raekura,
Ko Wharekura
Ko Tāne nui ā raki te poutiriao
Ko te aorakitaka te whāika hi!
Ko Te Kaupapa o Te Kura
He waiata tēnei ka rangona ki te motu whānui, ki ngā kura kaupapa Māori. He waiata whakanui i tō tātou reo rangatira, i te kaupapa matua o ngā kura Aho Matua.
Ko te reo te mauri o te mana Māori
Ko te kaupapa o te kura nei
He kaupapa Māori e
Ko te kaupapa o te kura nei
Ko Te Aho Matua
Ko mātou ēnei o ngā hau e whā
E ako ana i te kura kaupapa
Hei oranga mō te reo rangatira aa
Whāia te iti kahurangi e
Ki te tuohu koe he maunga teitei e
Hei oranga ngākau, pikinga waiora aa
Ahakoa he iti noa
He iti māpihi pounamu
Kia ngākau māhaki tātou katoa
Ko te reo te mauri o te mana Māori
x2
Ko te reo te mauri o te mana Māori
Hui e!
Tāiki e!
Tau Mai Te Mauri
Nā Rongomai Taiapa-Aporo i tito.
Tau mai te mauri,
Ko te mauri o Rongo,
Te mauri whakaāio,
Kia wātea te hinengaro,
Kia wātea te ara
Ki Te Toi o ngā Rangi.
Tau mai Tāne-te-Wānanga.
Hui e, tāiki e.